Санкт-Петербургның Кронштадт районы белән Татарстан Республикасының Яшел Үзән шәһәрләре чирек гасырдан артык мәдәни социаль-икътисади хезмәттәшлек алып бара. Төбәкләр арасындагы хезмәттәшлекне ныгытуга юнәлдерелгән уртак проектларны үстерү – өстенлекле юнәлешләрдән. Шул рәвешле әлеге хезмәттәшлекнең дәвамлы, нәтиҗәле булуы куандыра. Тотрыклы хезмәттәшлек кысаларында.
![](https://cdn.piter.tatar/wp-content/uploads/2023/06/whatsapp-image-2023-06-09-at-06.58.25-1.jpeg)
![](https://cdn.piter.tatar/wp-content/uploads/2023/06/whatsapp-image-2023-06-09-at-06.58.25.jpeg)
Кронштадт районында чираттагы “Тылсымлы кораблар шәһәре” күргәзмәсе ачылды. Экспозициягә Кронштатдның М.К. Аникушин исемендәге балалар сәнгать мәктәбе һәм Яшел Үзән мәгариф учреждениеләре, Казан шәһәренең 3 нче сәнгать мәктәбе укучылары картиналары урын алды.
Күргәзмәдә һәр эш үзгә, кабатланмас, карап туйгысыз матур.
![](https://2f0db767-feae-4492-92f7-a8be1637be0d.selcdn.net/wp-content/uploads/2023/06/whatsapp-image-2023-06-09-at-06.58.22-1.jpeg)
![](https://cdn.piter.tatar/wp-content/uploads/2023/06/whatsapp-image-2023-06-09-at-06.58.22.jpeg)
– Күргәзмә Кронштадт халкы өчен генә түгел, кунаклар һәм туристларны да күздә тотып оештырылды, – ди “Рус музее” волонтеры Лалә Әбдевәлиева.
Кронштадт өчен флот – аның мөһим өлеше. Ул Петр 1 тарафыннан Санкт Петербургның диңгез киңлекләрен саклау өчен булдырылды. Шул рәвешле Ленинград, Петроград һәм Санкт-Петербургка оккупантлар басып керә алмады, чөнки аны Кронштадт саклады. Шунысы игътибарга лаек, яшелүзәнлеләр суднолар төзиләр: ике шәһәр арасында багланыш булуга җирлек бар, димәк.
![](https://cdn.piter.tatar/wp-content/uploads/2023/06/whatsapp-image-2023-06-09-at-06.58.24-1.jpeg)
![](https://cdn.piter.tatar/wp-content/uploads/2023/06/whatsapp-image-2023-06-09-at-06.58.24-2.jpeg)
![](https://2f0db767-feae-4492-92f7-a8be1637be0d.selcdn.net/wp-content/uploads/2023/06/whatsapp-image-2023-06-09-at-06.58.24.jpeg)
Кронштадт белән Яшел Үзән арасындагы хезмәттәшлек, проектлар дәвамлы булып, безгә аларның шактый уртак күргәзмәләрендә булырга язсын, – ди Санкт-Петербургның “Ак калфак-Нева” татар хатын-кызлар иҗтимагый оешмасы җитәкчесе Фирая Рәшитова.
Рәзимә Кашапова.
![](https://2f0db767-feae-4492-92f7-a8be1637be0d.selcdn.net/wp-content/uploads/2023/06/whatsapp-image-2023-06-09-at-08.10.23.jpeg)
Татарстан Республикасының Санкт-Петербург шәһәре һәм Ленинград өлкәсе даими вәкиллеге Ринат Вәлиуллин исеменнан сәламләү хатын Санкт-Петербургның “Ак калфак-Нева” татар хатын-кызлар иҗтимагый оешмасы җитәкчесе Фирая Рәшитова укыды һәм Яшел Үзән сәнгать галереясе директоры Татьяна Садкова белән Кронштадт балалар сәнгать мәктәбе директоры Римма Ремишевскаяга Рәхмәт хаты тапшырды.
![](https://cdn.piter.tatar/wp-content/uploads/2023/06/whatsapp-image-2023-06-09-at-06.58.26.jpeg)
Сезгә аеруча шәһәр үзе һәм аның тарихи истәлекле урыннары, “Фортлар утравы”, диңгез сәфәре аллеясе, Инчхон скверы булган Тарихи-музей паркы тәэсир калдырачак.
“Яшел Үзән хәбәрләре” сайты һәм “Зеленодольская правда” газетасы.
![](https://cdn.piter.tatar/wp-content/uploads/2023/06/whatsapp-image-2023-06-09-at-08.10.21.jpeg)