Ленинград өлкәсенең Тосно шәһәрендә Сабантуй быел 17 июнь көнне Шапки бистәсе, Нестеров күле ярында узачак. Бу хакта Татарстанның Санкт Петербург шәһәре һәм Ленинград өлкәсендәге даими вәкиллеге хәбәр итә.
![](https://2f0db767-feae-4492-92f7-a8be1637be0d.selcdn.net/wp-content/uploads/2023/06/714167e7-8880-473a-8e7e-d1b842b3e659.jpg)
Сабантуйда беренче тапкыр лазерлы уен кораллары белән лазертаг уеннары оештырылачак, дип белдерә оештыру комитеты. Сабантуй 12.00 сәгатьтә башлана.
Традицион, милли-уен ярышларда, билбау көрәшендә җиңүчеләргә истәлекле бүләкләр әзерләгәннәр. Күренекле татар аш-су остасы Юныс Әхмәтҗанов истәлегенә багышланган милли күргәзмә эшләячәк.
Аны «Ак калфак-Нева» татар хатын-кызлары оешмасы һәм Тосно татар җәмгыятенең «Изге юл» хатын-кызлар советы әзерли. Сәүдә рәтләрендә татар аш-сыйлары һәм милли атрибутика эшләнмәләре тәкъдим ителер дип көтелә.
![](https://2f0db767-feae-4492-92f7-a8be1637be0d.selcdn.net/wp-content/uploads/2023/06/f076a41e-fd00-4f99-9632-d0e8b296f0d2.jpg)