Калининградта региональ хакимият органнары җитәкчеләре милләтара очрашуларның региональ үзәгендә «Кардәшләр» мәдәният җәмгыяте әгъзаларына Калининград өлкәсенең 75 еллыгы уңаеннан медаль тапшырдылар. (Юбилейная медаль «К 75-летию Калининградской области»)

Бүләкләнгән 14 кеше арасында татарлардан тыш, азәрбайҗан, литва халык иҗтимагый оешмасы председательләре һәм актив әгъзалары бар иде.

Чара эпидемиологик стандартлар нигезендә үтте.

Бүләкләнүчеләр арасында «Кардәшләр» мәдәният Җәмгыятенә нигез салучы һәм аның алыштыргысыз җитәкчесе Сәлимә Абдулла кызы Яһудина да бар иде. 2002-нче елдан алып 2017-нче елга кадәр, 15 ел!

Ул Калининград өлкәсендә 1946 елдан бирле яши!

Багратионовск шәһәрендә сугышчы-шагыйрь лейтенант Фатых Кәримгә һәйкәлне яңартуда шәхсән үзе катнашты.

Фатых Кәрим күренекле татар шагыйре һәм әдәби эшлеклесе, Көнчыгыш Прусссия операциясендә һәлак булган.

Ул аның иҗатын популярлаштыру өчен ел саен чаралар үткәрде.

Элегерәк 2020-нче елда Сәлимә Абдулла кызы Бөтендөнья татарлар конгрессы “Татар милләтенә күрсәткән олы хезмәтләре өчен”  медале белән бүләкләнгән иде.

Калининград өлкәсенең 75 еллыгы уңаеннан медаль белән шулай ук татар җәмгыятенең актив әгъзалары бүләкләнде: Мөлеков Мидхәт Абдулла улы, Хәйруллин Әмир Әдһәм улы, Журавлева Рәисә Александр кызы, Әхмәдова Халидә Шәрәфи кызы.

Исегезгә төшерү өчен, Калининград өлкәсе губернаторы указы белән (06.04.2021 № 32) «Калининград өлкәсенең 75 еллыгына» юбилей медале булдырылды, ул Россия Федерациясе гражданнарына бирелә. Калининград өлкәсенең социаль-икътисади үсешенә, рухи, әхлакый һәм патриотик тәрбиягә зур өлеш кертү; хезмәт һәм иҗтимагый эштә югары казанышлар өчен һәм Калининград өлкәсенең предприятияләрендә, оешмаларында һәм оешмаларында ким дигәндә 20 ел эшләгәннәр өчен тапшырыла. Барлыгы алты мең медаль чыгарылды.